Një person ka humbur jetën në Dibër këtë të diel. Sipas asaj që njofton policia, bëhet fjalë për një 70-vjeçar.
Ai ka qenë duke ecur, por ka humbur ekuilibrin dhe për pasojë ka rënë në anë të bodrumit të një pallati.
Si pasojë e lëndimeve të rënda i moshuari ka humbur jetën.
“Rreth orës 11.50, në qytetin e Peshkopisë, shtetasi Sh.A., rreth 70 vjeç, duke ecur ka humbur ekuilibrin dhe për pasojë është rrëzuar duke rënë në anë të bodrumit të një pallati. Si pasojë e lëndimeve të marra shtetasi Sh.A., ka humbur jetën”, njoftoi policia.
Grupi hetimor po punon për zbardhjen e plotë të rrethanave të ngjarjes.
/a.r
