Po e ndante se pinte alkool, burri ekzekuton gruan e vjehrrin (Detaje)
Është vetëvrarë me armën e krimit pas mbi 5 orësh i ngjitur në shtyllën e tensionit të lartë, 41-vjeçari Dritan Petova, autori i vrasjes së dyfishtë në Shijak këtë të dielë. Ai u vetëqëllua gjatë kohës që po zbriste teksa po negocionte me policinë. Sipas bluve, “vetëvrasja ndodhi në momentin kur u mendua se Petova po zbriste nga shtylla”. Arma e gjahut mësohet zyrtarisht se ishte me leje në emër të babait të autorit.
*** Konfliktet në çift janë bërë shkak për një krim të rëndë në familjen Petova në “Katër Rrugët e Shijakut” këtë mëngjes.
Burimet e policisë bëjnë me dije se burri ka vrarë bashkëshorten dhe vjehrrin e tij, teksa pas krimit ai kërcënon se do të vetëhidhet nga një shtyllë e tensionit të lartë.
MOTIVI
Bashkëshortët kanë pasur prej kohësh konflikte mes tyre pasi Dritani e tepronte me konsumimin e alkoolit dhe bëhej edhe i dhunshëm. Kjo ka bërë që e shoqja të vendoste ta ndante, ndaj edhe kishin nisur procedurat e divorcit. Këtë periudhë, 35 vjeçarja Zare kishte marrë vajzën e saj të mitur dhe ishte larguar në familjen e babait të saj 72-vjeçar. Aty ka ndodhur edhe krimi i rëndë këtë të dielë. Dritani, ka marrë armën e tij rreth orës 5 të mëngjesit dhe ka shkuar në banesën e bashkëshortes, e cila ndodhet shumë pranë shtëpisë së tij.
NGJARJA
Sapo ka hyrë në oborr, ai ka qëlluar mbi gruan dhe vjehrrin. Emrat e viktimave sipas bluve janë: Zare Petova dhe Ismet Leka. Policia nisi negociatat me Dritanin, autorin e krimit të dyfishtë brenda familjes, i cili kishte mbetur i shokur edhe vetë nga ngjarja. Ai nuk pranonte të zbriste nga shtylla e tensionit pasi ndodhej në një gjendje të rënduar psikologjike. Pasi ka kryer vrasjet, autori eshte larguar disa metra me kembe drejt vendit ku qendroi per mbi tre ore, tek Radiostacioni, dhe kishte marre me vete edhe nje shishe alkooli.
