Policia e Elbasanit ka reaguar në lidhje me ngjarjen që u regjistrua sot në Seltë të këtij qyteti, ku një 45-vjeçar ka hapur zjarr me armë ndaj efektivëve, duke rrezikuar jetën e tyre.
Josif Kavaja, në tentativë për t’i shpëtuar kapjes, ka qëlluar me armë zjarri në drejtim të punonjësve të Policisë duke u rrezikuar jetën e punonjësve. Ai nuk ishte i martuar dhe jetonte i vetëm në banesë. Shpesh ishte problematik në fshat. Qëllonte me armë në ajër, por pasi forcat e rendit i shkuan për kontroll në banesë, më pas hapi zjarr edhe ndaj policisë.
Njoftimi i policisë së Elbasanit:
Më datë 24.12.2020, forcat e Drejtorisë Vendore të Policisë Elbasan kanë shkuar në fshatin Selte, Elbasan, për kontroll banese, me vendim Gjykate, në banesën e shtetasit J. K., pasi dyshohej se dispononte armë zjarri pa leje.
Në momentin që shërbimet e Policisë kanë arritur në banesën e shtetasit J. K., ky shtetas, në tentativë për t’i shpëtuar Policisë, ka qëlluar me armë zjarri në drejtim të punonjësve të Policisë duke u rrezikuar jetën e punonjësve të policisë.
Nga të shtënat nuk ka punonjës policie të lënduar. Policia Vendore ka rrethuar zonën në një perimetër të gjerë duke marrë masa sigurie për jetën e tyre dhe të qytetarëve të tjerë në atë zonë.
Në ndihmë të Policisë Vendore janë nisur forcat speciale Renea.
Grupi hetimor ndodhet në vendngjarje dhe po punon nën drejtimin e Prokurorisë së Rrethit Gjyqësor Elbasan, për sqarimin e plotë të rrethanave të ngjarjes.
/a.r
