Policia e Shkodrës ka sekuestruar 250 metra katror pallka porcelani, të cilat ishin pa dokument tatimor dhe për rrjedhojë ka arrestuar dhe administratorin e subjektit që kishte në pronësi pllakat.
Sipas njoftimit të policisë, kapja e shtetasit me iniciale A.B dhe sekuestrimi i pllakave në fjalë është bërë nga seksioni kundër Krimit Ekonomik dhe Financiar, që vijojnë punën për goditjen e informalitetit dhe paligjshmërisë.
Sipas policisë, arrestimi i 40-vjeçarit A.B., banues në Laç, Bashkia Kurbin, me detyrë administrator i subjektit u bë në rrugën unaza perëndimore qyteti Shkodër. Ai ishte duke udhëtuar me mjetin tip “Kamionçin Benz” me targë AA860IE që po transportonte pllaka porcelani pa dokumentacion tatimor. Në cilësinë e provave materiale u sekuestruan, Mjeti tip “Kamionçin Benz” me targë AA860IE, 250 m2 pllaka porcelani pa dokumentacionin tatimor përkatës.
Materialet i kaluan Prokurorisë së Rrethit Gjyqësor Shkodër për veprime të mëtejshme për veprën penale “Fshehja e të ardhurave”.
