Sot Lulzim Basha shkruajti sërish në rrjetet sociale duke u shfaqur si partizan i flaktë kundër importit të mbetjeve të gjelbërta për riciklim. Ai provoi se Partia Demkokratike është në krye të betejës për dizinformimin publik lidhur me ligjin e kaluar nga Kuvendi. Sidoqoftë, për hir të transparencës është e rëndësishme që publiku të informohet se çfarë rekordi ka patur Lulzim Basha dhe Partia Demokratike në të kaluarën.
Njësoj si Ben Blushi që sot flet në emer të ambientalisteve, edhe Lulzim Basha dhe PD në të kaluarën, kanë qenë iniciatorë të ligjeve që lejonin importin e plehrave për djegie apo groposje në Shqipëri. Madje si kryetar bashkie Lulëzim Basha ka negociuar për një incenerator (furrë) plehrash në Sharrë. Nëse Ben Blushi ka firmosur për ndërtimin e inceneratorëve që do të digjnin në Shqipëri plehrat italiane përpara 12 vjetësh, Lulzim Basha dhe Partia Demokratike votuan pro ligjit që i hapte rrugë importit të plehrave për djegie apo groposje, vetëm 4 vjet më parë.
Diferenca është shumë e qartë: Basha dhe Blushi ishin pro importit të plehrave (po, po, plehrave në kuptimin e vërtetë të fjalës) dhe madje djegies dhe depozitimit të tyre në Shqipëri. Ndërsa sot, për motive politike, të dy bëjnë sikur e kanë harruar të kalurën e tyre dhe janë kundër një nisme që fuqizon industrinë vendase të riciklimit, për mbetjet e drurit, letrës, plastikës dhe aluminit në produkte ambalazhimi dhe ngrohje.
Këtë teatër politik të Blushit dhe Bashës, që prej kohësh janë në llogoren e përbashket të sulmit ndaj qeverisë, e kanë vënë re dhe mjaft qytetarë që koshat e plehrave me emrat e dy politikanëve i kanë vendosur pranë njëri-tjetrit si dy aleatë të denjë politikë./LEXO.AL
