Gjatë javës së ardhshme presidenti serb Tomislav Nikoliç do i dërgojë platformën për Kosovën kryeministrit Aleksandër Vuçiç. Presidenti serb për të përditshmen “Veçernje Novosti” ka thënë se pret unitet në mesin e lidershipit serb kur vjen puna te Kosova.
Sipas Nikoliç nëse kjo platformë është e realizueshme apo jo, është e drejtë e qeverisë të vlerësojë. Ai ka thënë se thelbi i kësaj platforme ka të bëjë me faktin se Serbia kurrë nuk duhet të njohë Kosovën, që ai e quan vijë e kuqe që nuk duhet kaluar.
Nikoliç thotë se në platformë përfshihet pikësynimi për krijimin e autonomisë së komunave serbe në kuadër të institucioneve të Kosovës.
Por për Nenad Gjureviq nga Forumi për Marrëdhënie Etnike, është e çuditshme se si kjo platformë është e ndarë nga procesi i negociatave Kosovë-Serbi.
Redaksia Online
(JavaNews.al)
