Deputeti i Partisë Demokratike, Belind Këlliçi ka reaguar me anë të një postimit në rrjetin e tij social ‘Facebook’ ndaj platformës së Enkelejd Alibeaj.
Këlliçi thotë se Berisha nuk është një emër më shumë në PD, e as thjesht një individ politik.
Sipas tij, Berisha është magneti i lëvizjes më të madhe që ka ndodhur në radhët e demokratëve.
‘Vendimet personale në një parti demokratike mohojnë vullnetin e shumicës. Kur anashkalohet vota, anashkalohet shumica. Këtë synon platforma Basha-Alibeaj. Kjo nuk ka për të ndodhur. PD dhe demokratët do të bashkohen, përkundër çdo tentative për t’i mbajtur të përçarë. 11 dhjetori, 18 dhjetori dhe 6 marsi janë një realitet politik, të cilin nuk mund ta mohojë askush!’ shkruan Belind Këlliçi në Facebook.
