Një ngjarje e rëndë ka ndodhur sot në stadiumin e qytetit të Laçit, pas përfundimit të ndeshjes me Kukësin.
Ky i fundit arriti të fitonte në shtëpinë e kurbinasve me rezultatin 1-0.
Por, klubi kampion ka raportuar në faqen zyrtare në Facebook se dy mbështetës të verilindorëve dhe lojtari Albi Alla janë goditur me gurë nga ultrasit e Laçit të cilët kanë përgjakur kundërshtarët.
“Situatë e pakëndëshme në stadiunin e qytetit të Laçit.
Futbollisti i Kukësit, Albi Alla, është goditur me gur nga tifozeria laçiane. Dhe dy tifozë të “Armatës së veriut” të cilët ndodheshin në stadium.
Stafi mjekësor i ekipit po u jep ndihmën e nevojshme” – shkruhet në faqen e F.K Kukësi teksa publikohen fotot e mëposhtme:
