Planifikonin grusht shteti në Gjermani, arrestohen 25 persona, do ta kthenin shtetin në monarki

25 persona janë arrestuar në të gjithë Gjermaninë si të dyshuar që po organizonin grusht shteti për të rrëzuar qeverinë.

Mediat gjermane raportojnë se në mesin e të arrestuarve janë ekstremistë të djathtë dhe ish-ushtarakë, të cilët planifikonin të sulmonin godinën e Parlamentit gjerman dhe të merrnin pushtetin.

Një 71-vjeçar, i quajtur Heinrich XIII, dyshohet se ishte organizatori i grupit.

Komplotuesit kanë qenë anëtarë të lëvizjes ekstremiste ‘Reichsburger’ që prej kohësh mbahej nën monitorim nga policia gjermane. Anëtarët e kësaj lëvizje refuzojnë të njohin shtetin modern gjerman dhe se planifikonin që ta zëvendësonin me një shtet të ri sipas modelit të Gjermanisë së 1871.

Hetimet e autoriteteve gjermane vazhdojnë ende.

/a.r