Kryeministri Edi Rama ka postuar në rrjetin e tij social artikullin e prestigjozes Italiane Corriere della Sera në lidhje me jehonën që një shkrim i tyri i ka bërë planit të ri vendor të Tiranës.
Rama ka ironizuar opozitën duke shkruar se shqupatarët nuk lanë llaf pa thënë kundër planit vendor, pavarësisht se edhe italianët e vlerësojnë si një projekt serioz. 
“Çudi e madhe! Prapë me Tiranën këta?! Dy faqe në Corriere della Sera, ku flitet për drejtim vizionar e për 16 vjet epokë modernizimi! Për një qytet të betonizuar, të pajetueshëm e të njëmijë të zezave?! Po që lëvdojnë edhe këta Planin e Ri Rregullues të Tiranës, për të cilin nuk lanë llaf pa thënë (si ngahera) shqupatarët dhe analistët gjithollogë?! Tirana e gjeneratës tjetër”, – shkruan kryeministri./java/a.k
