Qeveria e Britanisë do të nxjerrë ushtrinë në rrugë nëse ndodh një sulm terrorist nga ISIS. Zyrtarët po hetojnë rreth ngjarjeve të fundit ndërsa po diskutohet për një plan sekret për dislokimin e rreth 5100 trupave ushtarake nëpër rrugët e Britanisë, nëse do të ketë ndonjë sulm të madh terrorist.
Plani i debatueshëm i koduar “Operacioni Temperer” parashikon vendosjen e trupave, që do të ruajnë objektivat kryesore përkrah forcave të policisë, në rast të sulmeve terroriste si ato në Paris.
