Fondet grant të BE-së për Shqipërinë janë shtuar me rreth 80 milionë në vit. Nga një mesatare rreth 100 milionë që Shqipëria përfiton prej shumë vitesh, me planin e ri ekonomik këto fonde grant kapin nivelet e rreth 180 milionë euro.
Eksperti për fondet e BE-së, Ardian Haçkaj i tha Televizionit Publik se Shqipëria në një vit nga BE merr dhuratë, me kusht sigurisht rreth 180 milionë euro.
“Plani i Rritjen ka 2 miliardë euro grant për të gjitha vendet e rajonit për një periudhë 4- vjeçare deri në fund të vitit 2027-të. I bie që Shqipëria duhet të marri rreth 300 milionë euro grant. Shqipëria në një vit nga BE merr dhuratë, me kusht sigurisht rreth 180 milionë euro”, deklaroi eksperti.
Eksperti kujton se nuk është vetëm Shqipëria që ka përfitim financiar, por edhe Europa që ka të identifikuar përfitimet e vlefshme nga Shqipëria.
“Ka metale të rralla, jemi vend kyç, kemi energji të pastër, kemi pozicionin gjeografik”, renditi ai.
Në syrin e ekspertit, data 2027 e mbylljes së bisedimeve sjell përmbylljen e projeksionit të përqasjes legjislative që do ta bënte realist parashikimin për qenien anëtar në vitin 2030.
“Nëse negociata mbyllen me sukses në 2027-ën, atëherë viti 2030 si target final për t’u bërë antërai BE është plotësisht i arritshëm në kushtet aktuale , nëse nuk kemi surpriza të mëdha” tha Haçkaj.
/a.r
