Tension në bashkinë e Himarës ku pritet kalimi në këshill i Planit Rregullues të qytetit. Ky plan kundërshtohet ashpër nga shoqata e minoritetit grek OMONIA pjesëtarët e së cilës kanë kërcënuar këshilltarët të mos miratojnë Planin.
Ata kanë paralajmëruar bllokimin e mbledhjes ndërkohë pranë bashkisë situata është e tensionuar.
raportohet se mbledhja e Këshillit Bashkiak të Himarës do të zhvillohet në fshatin Kuç, pas trazirave që shoqëruan mbledhjen e mëparshme të këshillit dhe do të zhvillohet nën mbrojtjen e Forcave të Ndërhyrjes së Shpejtë.
Mbledhja e 25 gushtit e këshillit u ndërpre nga kreu i PBDNJ-së, Fredi Beleri dhe biznesmeni Nikollaq Neranxi, të cilët kanë hyrë me forcë në ambientet ku po zhvillohej mbledhja.
Incidenti ndodhi pas fillimit të mbledhjes së Këshillit Bashkiak, ku do të diskutohej plani i ri rregullues i qytetit të Himarës. Nga plani rregullues, preken pronat e 50-60 personave. Sipas asaj që raportoi Report TV, Armando Xhelili, përfshirja e biznesmenit në këtë incident ka ardhur pasi edhe ai vet si dhe të afërm të tij zotërojnë disa nga pronat të cilat preken nga plani rregullues.
