Kryeministri Edi Rama ka shpjeguar në emisionin “Opinion” planin financiar për të përballuar pasojat e krijuara nga koronavirusi.
Rama tha se të gjithë qytetarët të cilët ndodhen në shtëpi për shkak të koronavirusit do të marrin rrogën për çdo ditë që do të mungojnë në punë.
“Është përllogaritur që të gjitha kompanitë që kanë probleme me këtë garanci sovrane do i paguajnë njësoj sikur të mos kishin munguar asnjë ditën punë,”-tha Rama.
Po ashtu, kryeministri tha se do të kompensohen dhe punëtorët që punojnë në të zezë, por më parë ata duhe të denoncojnë pronarin e tyre.
“Ata që punojnë në kushtet e informalitetit është koha për të denoncuar pronarët nëse duan mbështetje. Në informalitet nuk kompenson asnjë shtet në botë. Kështu që ata që marrin rrogë në të zezë të denoncojnë pronarët nëse duan që ne tu kompensojmë rrogën që u mungon. Ne jemi gati, kemi ngritur edhe skemën dhe se si do të bëjmë investigimin e shpejtë dhe do të detyrojmë pronarin ti regjistrojë dhe të ketë akses në grancinë sovrane. Ata nuk kanë çfarë dokumenti të japin. Mjafton të denoncojnë nga nesër që hyn në fuqi akti-normativ. U bëj thirrje që të mos rrinë si skllevër por të denoncojnë ata që i mbajnë skllevër”, tha Rama.
/a.r
