Programi për Decentralizim dhe Zhvillim Lokal (DLDP) financuar nga Qeveria Zvicerane i është përgjigjur interesimit për asistencë financiare dhe teknike për bashkinë e Malësisë së Madhe, në hartimin e Planit të Përgjithshëm Vendor.
DLDP ushtron aktivitetin në veri të Shqipërisë që prej vitit 2006, në mënyrë të veçantë në fushën e planifikimit dhe menaxhimit financiar në nivel vendor, rajonal dhe kombëtar.
Pak javë pas ftesës së Ministres së Zhvillimit Urban, Eglantina Gjermeni për donatorët ndërkombëtarë kjo është përgjigja e parë që ka mbërritur për financimin e hartimit të Planit të Përgjithshëm Vendor, për një prej 30 bashkive ku ende nuk nisur puna për këtë plan.
Nga 31 bashki që nisën punën në fillim të këtij viti, 26 prej tyre do të mbështeten financiarisht nga qeveria për planet me një fond prej 560 milionë lekësh, ndërsa 5 bashki të tjera kanë marrë tashmë asistencë teknike dhe financiare nga USAID.
Ndihma zvicerane do të fokusohet në ngritjen e kapaciteteve të këtyre 29 bashkive për t’i përgatitur ato për fillimin e nismave, përmes një trajnimi afatgjatë të prezantuar nga Ministria.
26 BASHKITË E MBËSHTETURA NGA QEVERIA SHQIPTARE PËR PPV
Lezhë, Kurbin, Krujë, Kukës, Dibër, Durrës, Vorë, Shijak, Kavajë, Rrogozhinë, Divjakë, Ura Vajgurore, Poliçan, Skrapar, Gjirokastër, Vlorë, Himarë, Sarandë, Konispol, Librazhd, Përrenjas, Cërrik, Pogradec, Korçë, Tiranë dhe Shkodër.
5 BASHKITË E MBËSHTETURA NGA USAID PËR PPV
Lushnjë, Elbasan, Berat, Kuçovë dhe Fier.
30 BASHKITË QË NUK KANË ENDE PLAN VENDOR
Malësi e Madhe, Tropojë, Has, Fushë Arrës, Pukë, Vau Dejës, Mirditë, Bulqizë, Klos, Mat, Kamëz, Belsh, Peqin, Patos, Pustes, Gramsh, Maliq, Roskovec, Selenicë, Përmet, Këlcyrë, Devoll, Kolonjë, Mallkastër, Memaliaj, Libohovë, Dropull, Tepelenë, Delvinë, Finiq. (java / ra.)
