Policia e Tiranës njofton sot në 21 maj se një plagosje ka ndodhur në zonën e Nisharakut.
Një 48-vjeçar ka qëlluar me mjet prerës një 55-vjeçar. Ky i fundit është dërguar në spital për ndihmë mjekësore. Efektivët janë vënë në kërkim të autorit të dyshuar.
Ngjarja ndodhi gjatë orëve të para të mëngjesit.
Njoftimi i policisë:
Tiranë/Informacion paraprak
Rreth orës 07:40, në vendin e quajtur “Nisharaku”, dyshohet se pas një konflikti për motive të dobëta, shtetasi E. N., 48 vjeç, ka goditur me mjet prerës shtetasin A. M., 55 vjeç, i cili është dërguar në spital, ku po merr ndihmë mjekësore.
Shërbimet e Policisë kanë shpallur në kërkim autorin e dyshuar dhe vijojnë kontrollet për kapjen e tij.
Grupi hetimor po kryen veprimet procedurale për sqarimin e plotë të rrethanave të rastit.
