Një plagosje me armë zjarri është shënuar mëngjesin e sotëm në Shkodër. Ngjarja ka ndodhur në mes të qytetit verior, në vendin e quajtur “Dollari”, afër selisë së Partisë Demokratike të Shkodrës.
Nga të dhënat e para bëhet e ditur se i plagosuri është identifikuar si Lulzim Leckaj, rreth 35 vjec. I plagosuri është transportuar drejt spitalit me një makinë të rastit, ndërsa gjendja e tij paraqitet kritike.
Grupi hetimor i mbërritur në vendngjarje ka sekuestruar 23 gëzhoja plumbash. Për momentin nuk dihen autorët, ndërsa policia i ka shpallur ata në kërkim. Mësohet se ngjarja dyshohet të ketë ndodhur për larje hesapesh.
