Shoku i 17-vjeçarit që u plagos paraditen e sotme ka dëshmuar në polici gjithçka ndodhi në lokalin para Parlamentit. M.Xh tregon se ishin duke pirë kafen e mëngjesit ndërsa shoku i tij R.M ka nxjerrë një armë për tja treguar, por ajo është shkrepur papritur duke e lënë të plagosur të riun.
Sipas tij, arma është shkrepur në mënyrë të pavullnetshme. Burimet të “BalkanWeb” bëjnë me dije se dy të rinjtë janë studentë të vitit të dytë tek Hoteleri Turizmi dhe rrinë bashkë.
Ndërkaq, mësohet se R. M në momentin që ka kuptuar se është plagosur i ka kërkuar shokut të marrë armën dhe ta fshehë. M.Xh e kishte fshehur armën poshtë një makine te shkolla e mesme “Partizani”.
17-vjeçari i plagosur është dërguar në spital për të marrë ndihmën e nevojshme mjekësore, ndërkohë pritet të merret edhe dëshmia e tij. Blutë e kryeqytetit pritet të zbardhin motivin pse një 17-vjeçar mbante armë me vete./a.m.
