Policia e Tiranës ka arritur të dokumentojë plagosjen e një ditë më parë në zonën e Pallateve Agimi dhe të verë në pranga dhe autorin e dytë të ngjarjes.
Mbrëmjen e kaluar, pas një konflikti për motive të dobëta u qëllua me armë zjarri në këmbë 32 vjeçari Ilir Shkurti.
Policia arriti të arrestojë pas disa minutash 38-vjeçarin Kridens Muçollari i cili u largua nga vendngjarja me një makinë, ndërkohë që personi që e shoqëronte arriti të largohej.
Falë një pune të mirëorganizuar, mëngjesin e së dielë u vu në pranga dhe 35 vjeçari R.S. për veprat penale “Moskallëzim i krimit” dhe “Përkrahja e autorit në krim”.
Materialet proçeduriale i kaluan Prokurorisë Pranë Gjykatës së Shkallës së Parë Tiranë për veprime të metejshme.
/b.h
