Policia e Tiranës lidhur me plagosjen e ndodhur dje në “Don Bosko”, raporton se ka arrestuar në flagrancë shtetasin Kreshnik Budlla, 41 vjec, banues në Tiranë, Rinald Budlla, 27 vjec, banues në Tiranë dhe Alfred Levani, 42 vjec.
Policia shton se u procedua në gjendje të lirë shtetasi : Sh.H, 38 vjec, banues në Shijak, dënuar më parë për veprën penale ” Vjedhje me armë “, të cilit gjatë kontrollit në banesë ju gjetën dhe sekuestruan një armë gjahu e llojit çifte, 24 copë fishekë arme gjahu. Shtetasit Kreshnik Budlla, Rinald Budlla, Alfred Levani dhe Sh.H, diten e djeshme në rrugën “Muzakët”, në verandën e një lokali dyshohen se kanë shkëmbyer zjarr me dy persona ende të pa identifikuar, ku si rezultat ka ngelur e plagosur shtetasja R.L, 29 vjeç që ndodhet jashtë rrezikut për jetën.
