Një person ka mbetur i plagosur me thikë pasditen e djeshme, në një lokal në Fier.
I dyshuari për ngjarjen është Xhevat Bregu, 52 vjeç, banues në Mbrostar, Fier.
Bregu akuzohet se rreth orës 18:20 të së mërkurës, në lagjen “8 Shkurti” për motive të dobëta është konfliktuar me Petraq Gjikën, 63 vjeç, banues në Daullas, Fier.
Gjatë konfliktit Bregu ka goditur me thikë Gjikën, në bark dhe në fyt, i cili ndodhet në spital nën kujdesin e mjekëve.
Pasi plagosi 63-vjeçarin, Xhevat Bregu u largua nga vendi i ngjarjes.
Shërbimet e policisë organizuan punën dhe gjatë mesnatës bënë të mundur kapjen dhe arrestimin e tij.
Ndaj të dyshuarit për veprime të mëtejshme, materialet iu referuan Prokurorisë së Fierit për veprat penale “Vrasje e mbetur në tentativë” dhe “Prodhimi, mbajtja, blerja apo shitja e armëve të ftohta”./a.m.
