Kapet dhe shoqërohet në Komisariat, autori tjetër i plagosjes me armë zjarri të ndodhur ditën e sotme në Selitë.
“Shërbimet e Policisë të Komisariatit Nr.2, pas disa orësh ndjekjeje intesive kapën dhe shoqëruan në Komisariat për veprime të mëtejshme hetimore, autorin e dytë të plagosjes, shtetasin Stelio I., 22 vjeç, banues në Tiranë. Ky shtetas së bashku me të atin, shtetasin A. I., (të kapur dhe shoqëruar në Komisariat disa orë më parë), pas një konflikti për motive të dobëta plagosën me armë zjarri në Selitë shtetasin M. Sh”, njoftoi Policia.
Po kryhen veprimet e mëtejshme proceduriale në ngarkim të dy autorëve, shtetasve A. I., dhe S. I., (atë dhe bir), shtuan të njëjtat burime.
DETAJET/ Babë e bir plagosën me armë 18-vjeçarin në Tiranë, zbardhet ngjarja
UPDATE 15:38/ Janë identifikuar dy autorët (atë dhe bir) të plagosjes me armë zjarri të ndodhur ditën e sotme në Selitë.
Eshtë arrestuar dhe shoqëruar në Komisariat njëri autor, ndërsa autori tjetri shpallet në kërkim. Shërbimet e Policisë të Komisariatit Nr.2, arrestuan shtetasin Abedin I., 56 vjeç, banues në Tiranë, ndërsa u shpall në kërkim dhe u shpall në kërkim i biri, shtetasi S. I., 22 vjeç, banues në Tiranë.
Atë dhe bir, pas një konflikti për motive të dobëta në zonën e “Selitës”, plagosën në këmbë me armë zjarri shtetasin M. Sh., 18 vjeç, i cili ndodhet në spital jashtë rrezikut për jetën.
Plagoset me armë një 18-vjeçar në Tiranë
Një plagosje me armë zjarri ka ndodhur mesditën e kësaj të premteje në Tiranë, rreth orës 12:45, në “Selitë“.
Ngjarja ndodhi pranë një karburanti në zonën e Selitës ku është plagosur me armë zjarri nga persona ende të paidentifikuar shtetasi M. Sh., 18 vjeç i cili është dërguar për ndihmë mjekësore në spital.
I plagosuri ndodhet jashtë rrezikut ndërsa dyshohet se kaqenë një konflikt i çastit për motive të dobëta.
Po bëhet krehja e zonës si dhe janë ngritur pika kontrolli në akset rrugore dhe hyrje daljet e kryeqytetit.
Ndërkaq policia njofton:
Më datë 12.10.2018, rreth orës 12:45, në “Selitë“ është plagosur me armë zjarri nga persona ende të paidentifikuar shtetasi M. Sh., 18 vjeç i cili është dërguar për ndihmë mjekësore në spital.
Po bëhet krehja e zonës si dhe janë ngritur pika kontrolli në akset rrugore dhe hyrje daljet e kryeqytetit.
Po punohet intensivisht për kapjen e autorit
