Dy ditë pas plagosjes me armë zjarri të 23-vjeçarit Renaldo Mejdani në Tiranë, policia ka arrestuar një 39-vjeçare me iniciale O.I.
Policia dyshon se 39-vjeçarja ka ndihmuar autorin e dyshuar Albert Ostreni 49 vjeç që të largohet nga vendi i ngjarjes dhe ka dhënë deklarim të rremë përpara oficerit të policisë gjyqësore.
Ajo dyshohet ndihmoi 49-vjeçarin së bashku me vëllain e autorit të dyshuar, D.Ostreni 45 vjeç, i cili është gjithashtu i arrestuar për përkrahje të autorit të krimit dhe veprime që pengojnë zbulimin e së vërtetës.
Ndërkohë autori i dyshuar i plagosjes, Albert Ostreni vijon të jetë në kërkim nga policia.
Ngjarja ndodhi mbrëmjen e 23 Gushtit në rrugën “Tasim Shehu” në kryeqytet. 23-vjeçari Renaldo Mejdani u qëllua me pistoletë nga fqinji i tij dhe mbeti i plagosur. Krimi u shënua pas një sherri për motive të dobëta.
/a.r
