Grupi hetimor ka ndërtuar profilin e autorit të plagosjes së Redi Ballës, 22-vjeçarit që ra pre e një atentati një natë më parë tek Komuna e Parisit. Mësohet se bazuar nga kamerat filmike dhe dëshmitë e personave që kanë parë ngjarjen, bëhet fjalë për një të ri rreth moshës 25-30 vjeç.
I riu rezulton se kishte kapele në momentin që ka qëlluar drejt Ballës e për këtë arsye nuk ka mundur të identifikohet.
Ngjarja ndodhi një natë më parë. Vetë Balla ka deklaruarse nuk ka arritur që ta shohë autorin dhe se nuk di të thotë asgjë për shkakun e ngjarjes. Paraprakisht dyshohet se mes të plagosurit dhe autorëve ka pasur sherre e konflikte të mëparshme për një vajzë.
