Specialistët për Krimet në Komisariatin e Policisë Shijak në bashkëpunim me Prokurorinë e Rrethit Gjyqësor Durrës, kanë bërë të mundur zbardhjen pas tre muajsh të ngjarjes së datës 15.03.2016, duke ndaluar shtetasin, ku u plagos punonjësi i Bashkisë së Shijakut, Shpend Lima. Policia ka arrestuar autorin, Renato Shahini, 39 vjeç, banues në Shijak. Shahini, si rezultat i një konflikti për motive të dobëta, disa muaj më parë me shtetasin Shpend Lima ka tentuar ta vrasë me armë zjarri.
Më datë 15.03.2016, në Lagjen “Popullore”, Shijak, në afërsi të banesës është qëlluar me armë zjarri ndaj shtetasit Shpend Lima, 43 vjeç, punonjës I Policisë Bashkiake Shijak.
Menjëherë në vendngjarje kanë shkuar Efektivat e Policisë, të cilët kanë mbledhur provat materiale dhe identifikuar autorin e dyshuar.
Lima është qëlluar në pjesën e fundshpinës. Në vijimësi të këtij hetimi, Komisariati i Policisë Shijak në bashkëpunim me Komisariatin e Policisë Durrës, më datë 11.05.2016, në lagjen Nr.13, Plazh, duke ndërhyrë në kohë kanë bërë të mundur parandalimin e një ngjarje të rëndë kriminale, ku kanë arrestuar në flagrancë shtetasin Shpend Lima (Aktualisht ndodhet në dhomat e paraburgimit në I.E.V.P. Durrës).
Limës gjatë kontrollit fizik, iu gjet dhe iu sekuestrua një armë zjarri pistoletë, tip Makarovë dhe 6 fishekë.
Efektivat e Policisë e kishin mbajtur nën mbikëqyrje Limën, me qëllim parandalimin e ndonjë ngjarje kriminale midis tij dhe shtetasit Renato Shahini, nisur nga ngjarja e datës 15.03.2016.
Materialet I kaluan Prokurorisë së Rrethit Gjyqësor Durrës, në ngarkim të shtetasit Renato Shahini për veprat penale “Vrasje me paramendim ” e mbetur në tentativë dhe ” Prodhimi dhe mbajtja pa leje e armëve luftarake dhe e municionit” parashikuar në nenet 78, 22 dhe 278/2 të Kodit Penal. (java / r.a)
