Inxhinieri dhe tekniku i minierës në Martanesh të Bulqizës janë arrestuar për “shkelje e rregullave të mbrojtjes në punë” me pasojë plagosjen e një minatori.
48 vjeçari B.P. (vagonist në minierë), mori dëmtime në kokë ditën e enjte, gjatë punës në galerinë 10 të minierës së subjektit Minerar “Kaprolla”sh.p.k.
Ai po merr ndihmë mjekësore në spitalin e Traumës Tiranë dhe aktualisht është jashtë rrezikut për jetën.
Pas kësaj ngjarjeje që për pak i kushtoi jetën minatorit, specialistët për Hetimin e Krimit në Komisariatin e Policisë Bulqizë, arrestuan në flagrancë 61-vjeçarin Jakup Gurra, me detyrë Inxhinier/drejtues teknik miniere dhe 57-vjeçarin Nerim Livani, me detyrë teknik miniere. Të dy të arrestuarit janë me banim në Tiranë.
a.ç
