Klevis Lika dhe Eltion Zyka mbetën të plagosur mbrëmjen e sotme në Mamurras, ndërsa policia ka zbardhur ngjarjen.
Me një njoftim, Policia e Shtetit bën me dije se ngjarja ndodhi në një rrugë rurale, ende në rrethana të paqarta.
Bëhet me dije se është identifikuar edhe autori i ngjarjes, që sipas policisë është 22-vjeçari me inicialet E.N, ndërsa po punohet për kapjen e tij.
Njoftimi i policisë:
Kurbin
Plagosen me armë zjarri dy të rinj, Policia zbardh menjeherë ngjarjen, identifikon dhe shpall në kërkim autorin e dyshuar.
Rreth orës 22:05, në afërsi të Mamurrasit, Kurbin, në një rrugë rurale, në rrethana ende të paqarta mbetën të plagosur me armë zjarri shtetasit K.L.,21 vjeç dhe E.Z.,21 vjeç, banues në Mamurras, të cilët janë dërguar për ndihmë mjekësore në spitalin e Traumës.
Shërbimet e Policisë shkuan menjëherë në vendngjarje dhe falë veprimeve të shpejta bënë të mundur identifikimin e autorit të ngjarjes shtetasin E.N, 22 vjeç.
Janë ngritur pika konrolli dhe vijon kontrolli i zonës.
Grupi hetimor ndodhet në vendngjarje dhe nën drejtimin e Prokurorisë vijon puna për zbardhjen e plotë të shkakut dhe rrethanave të ngjarjes.
Shërbimet e policisë po krehin zonën me qëllim kapjen e autorit.
g.kosovari
