Vetëdorëzohet autori i plagosjes së vëllait dhe kunatës së tij sot në Dukagjin.
Policia bën me dije se “si rezultat i veprimeve operacionale dhe policore të zhvilluara në zonën e Dukagjinit është arritur për shkak të këtyre veprimeve dhe angazhimit maksimal të të gjithë punonjësve të policisë që autori i ngjarjes shtetasi Lekë Ballza , 53 vjeç , te vetëdorëzohet”.
Shtetasi Lekë Ballza, dyshohet të jetë autori i plagosjes së vëllait dhe kunatës së tij Kond Balza 48 vjeç dhe Drane Balza, 41 vjeçe, të cilët janë transportuar në Spitalin e traumës në Tiranë me helikopter për shkak të terrenit të thyer malor.
Burrë e grua ndodhen nën trajtim mjekësor, jashtë rrezikut për jetën.
Ngjarja u regjistrua rreth orës 11:40 të ditës së sotme në lagjen “Mushaj” të fshatit Ndërlysë, Njësia Administrative Shalë, pas një konflikti për motive të dobëta.
Materialet do t’i referohen Prokurorisë së Krimeve të Rënda pranë Gjykatës së shkalles së parë Tiranë, për veprat penale “Vrasje për shkak të marrëdhënieve familjare” e mbetur në tentativë dhe “Armëmbajtje pa leje” . /oranews
