Policia e Krujës bën me dije se ka vënë në pranga një 35-vjeçar të shpallur në kërkim.
I arrestuari është Genci Koçi, banues në, Krujë, i cili është dënuar nga Gjykata me 6 vjet e 8 muaj burg për veprat penale “Vrasje në rrethana të cilësuara kundër dy ose më shumë personave mbetur në tentativë” e kryer në bashkëpunim dhe “Mbajtje pa leje të armëve luftarake”.
Koçi, para 9 vitesh në Krujë, në bashkëpunim me H.C, i arrestuar ditën që ka ndodhur ngjarja, ka qëlluar me armë zjarri në drejtim të tre personave, A.B. , F.K. dhe L.K. të cilët janë plagosur rëndë.
Lidhur me materialet hetimore, policia sqaron se ato kanë kaluar Prokurorisë së Rrethit Gjyqësor Krujë për veprime të mëtejshme./a.m.
