Një ngjarje banale në qytetin e Durrësit ka shkaktuar një të plagosur me armë zjarri gjatë ditës së sotme. Sipas burimeve nga policia bëhet e ditur se G.Peposhi ka qëlluar drejt shtetasit R.Gj duke e lënë atë të plagosur.
I lënduar ndodhet në spitalin rajonal jashtë rrezikut për jetën, ndërsa autori është arrestuar në kohë rekord.
Shkak i plagosjes së R.Gj nga ana e Gazmend Peposhit mesohet të jetë bërë një konflikt që lidhet me servisin e makinës. Mësohet se i plagosuri është pronar i një pike servisi ndërsa autori ka qenë i pakënaqur për shërbimin ndaj makinës.
Policia thotë se Peposhit i janë gjetur një pistoletë dhe disa fishekë ndërsa mbi të rëndon akuza e armëmbajtjes, prodhimit të armëve dhe plagosjes me dashje. (javanews / r.a)
