Një konflikt mes dy personave ka degraduar në përdorimin e armëve të ftohta. Një 52-vjeçar me iniciale S.Dh. është qëlluar me thikë dhe ka mbetur i plagosur.
Ngjarja ka ndodhur rreth orës 20:50 në lagjen Nr.18 të qytetit të Durrësit.
Policia thotë se brenda pak minutave u arrestua dhe autori. Ai është një 36-vjeçar me iniciale B.Xh.
Plagosja ka ndodhur për motive të dobëta, thotë policia, e cila ka sekuestruar gjithashtu edhe armën e krimit.
Grupi hetimor po punon për sqarimin e plotë të ngjarjes.
a.ç
