Një ngjarje e rëndë kriminale ka ndodhur gjatë orëve të mbrëmjes në Shijak.
Një person ka mbetur i plagosur me armë zjarri. Bëhet fjalë për shtetasin Shpend Lima 40 vjeç, me detyrë punonjës i Policisë Bashkiake në Shijak. Ai u transportua me shpejtësi në spitalin e Durrësit, nga ku fatmirësisht raportohet se është jashtë rrezikut për jetën.
Nuk dihet ende autori i krimit i cili mësohet se është larguar menjëherë nga vendngjarja.
Policia ka nisur veprimet hetimore për zbardhjen e plotë të krimit dhe ndalimin e autorit apo autorëve.
Parapraksiht dyshohet se ngjarja lidhet me detyrën e të plagosurit Lima.