Kreu i rebelëve talebanë afganë, mullahu Akhtar Mansour pasues i mullahut Omar u plagos gjatë një shkëmbimi zjarri, bënë të ditur zyrtarë afganë dhe burime talebane.
“Mansour është plagosur rëndë”, deklaroi për median Sultan Faizi, zëdhënës i zëvendëspresidentit të parë afgan, Rashid Dostum.
Një tjetër zyrtai i qeverisë afgane dhe disa burime të brendshme të rebelimit kanë konfirmuar për median se kreu i talebanëve është plagosur, pa specifikuar shkallën e plagëve të marra.
I pyetur nga media, zëdhënësi zyrtar i talebanëve, Zabihullah Mujahid nga ana tjetër ka mohuar faktin se Akhtar Mansour mund të jetë plagosur.
