Dy persona kanë mbetur të plagosur, pasi motorçikleta me të cilën ata udhëtonin u përplas nga një makinë.
Aksidenti ka ndodhur në qytetin e Fierit. Të plagosurit, burrë e grua, që udhëtonin me motorçikletë u dërguan në spital për të marrë ndihmë mjekësore.
Pas përplasjes me motorçikletën, makina goditi edhe dy mjete të parkuara dhe përfundoi në trotuar.
Shkaqet e ngjarjes janë të paqarta. Në vendin ku ndodhi aksidenti kanë shkuar forcat e policisë, të cilat kanë nisur hetimet.
/b.d
