Policia e Tiranës ka vënë në pranga një nga të rinjtë, i cili ishte shpallur pak ditë më parë në kërkim, pasi akuzohen se kanë plagosur me thikë një 40-vjeçar në një lokal në zonën e Bllokut në Tiranë. Kështu në pranga ka rënë 27-vjeçari M.H.
“Tiranë: Vihet në pranga njëri nga autorët e dyshuar të ngjarjes së ndodhur me datë 21 janar, në rrugën Vaso Pasha. Shërbimet e Komisariatit të Policisë Nr. 2, kanë ndaluar shtetasin M. H., 27 vjeç, banues në Tiranë. 27-vjeçari, ishte shpallur në kërkim pasi me datë 21 janar, në rrugën “Vaso Pasha”, në një lokal, në bashkëpunim me shtetasin E. H., (aktualisht në kërkim), kanë goditur me mjet prerës shtetasin E. D. Materialet i kaluan Prokurorisë, për veprime të mëtejshme procedurale.”
Policia e Tiranës
/a.r
