Një person i armatosur me thikë ka sulmuar disa persona mesditën e së premtes në vendin ku më parë ndodheshin zyrat e gazetës satirike “Charlie Hebdo” e cila 5 vjet më për ishte objekt i një sulmi terrorist.
Mediat lokale franceze raportojnë se janë plagosur 4 persona të cilët janë dërguar me urgjencë në spital. Arsyet e këtij sulmi janë ende të panjohura ndërkohë që efektivë të shumtë pas sulmit nisën një operacion të gjerë që përfundoi me kapjen e agresorit, i cili u largua nga vendi i ngjarjes.
Ai u pa me gjak në rrobat e tij pas sulmit kur u arrestua nga policia.
Policia me anë të një postimi në Tëitter i bën thirrje qytetarve të qëndrojnë larg zonës.
Është e paqartë se çfarë e motivoi sulmin ose nëse ai kishte ndonjë lidhje me Charlie Hebdo, i cili lëvizi zyrat pasi u sulmuan nga ekstremistët islamikë në 2015.
PAs sulmit shkollat lokale në lagjen 3, 4 dhe 11 janë mbyllur dhe njerëzit po këshillohen të qëndrojnë në zyrat dhe shtëpitë e tyre.
Charlie Hebdo tani boton nga një adresë sekrete në Paris, dhe shumë anëtarë të stafit kanë truproje.
Sulmi vjen në kohë që një gjyq po zhvillohet në kryeqytetin francez të lidhur me sulmet e janarit 2015 që tronditën botën pasi 12 njerëz vdiqën.
Synimet e tyre kryesore ishin personeli në revistën satirike e cila kishte botuar një seri karikaturash që talleshin me Profetin Muhamed.
Terroristët kryesorë të cilët ishin të gjithë të njohur për shërbimet e sigurisë franceze u qëlluan të gjithë nga vetë policia, por 14 të pandehur aktualisht janë në gjyq duke u përballur me burgim të përjetshëm për ‘bashkëpunim në terrorizëm’.
g.kosovari
