Policia e Romës ka arrestuar pesë persona të akuzuar për organizimin e një grupi kriminal me qëllim grabitjen e dyqaneve të cigareve. Mbi ta rëndon akuza se kanë kryer të paktën shtatë plaçkitje mes muajve nëntor dhe dhjetor të vitit të kaluar, kryesisht në zonat e Monteverdes dhe Monte Marios në Romë.
Një egjiptian, tre shtetas shqiptarë dhe një shtetas kosovar, të gjithë me precedentë kriminalë, janë arrestuar nga policia. Emrat nuk janë bërë të ditur.
Operacioni policor, i quajtur “Taxi Driver”, filloi në nëntor të vitit të kaluar dhe është koordinuar nga zëvendës prokurori Paolo Auriemma.
Banda vepronte gjithnjë kur binte errësira, arrinin pranë objektivit, ndonjëherë merrnin taksi dhe pasi hapnin dyert e dyqaneve, vidhnin sasi të mëdha duhani, pulla, karta telefonike, karta rimbushëse dhe paratë që gjendeshin në arka.
Shumat që mendohet se ata kanë grabitur deri më tani janë më shumë se 200.000 euro.
Kamerat e sigurisë kanë arritur të filmojnë edhe fytyrat e pesë autorëve.
Policia pasi i ka identifikuar ka arritur t’i arrestojë ata.
Hetime të tjera janë duke vazhduar për të verifikuar përgjegjësinë e mundshme të të pesë të arrestuarve në disa vjedhje të tjera të kryera në këto zona.
Panorama
