Deri në vitin 2019 edhe pjesa shqiptare e liqenit të Ohrit mund të përfshihet nën mbrojtjen e UNESCO-s, njësoj siç është pjesa e Maqedoonisë, thotë Sinisha Sheshum, shef i zyrës rajonale të UNESCO-s në Venecia.
Sipas funksionarit të UNESCO-s, për këtë më së shumti ndikon aksioni i para dy viteve për largimin e rreth 50 objekteve në rripin nga Lini deri në Pogradec që ishin të ndërtuara buzë liqenit.
“Shqipëria fuqishëm është e përcaktuar drejtë këtij procesi dhe nuk do ishte bashkuar në këtë projekt nëse nuk dëshiron ta mbrojë liqenin e Ohrit që gjendet në territorin e tyre”, tha Sheshum.“Ky është hap shumë i mirë drejtë kthimit të gjendjes që është më afër natyrës, por për fat të keq, në të njëjtën kohë u zgjerua rruga e re e cila të paktën në disa pjesë kufizohet me vetë liqenin që sërish dëmton natyrën dhe ambientin”, u shpreh Oliver Avramoski nga Unioni ndërkombëtarë për mbrojtjen e natyrës.
Sot në Strugë u mbajt një takim mes delegacioneve të Maqedonisë dhe Shqipërisë për menaxhim me grykëderdhjen e Liqenit të Ohrit dhe shkëmbimin e përvojave në pjesën e mbrojtjes nga UNESCO.
Vitin e ardhshëm në Ohër do të arrijë një komision i UNESCO-s për të parë nëse vendi i është përgjigjur rekomandimeve të takimit të fundit në Stamboll. Në atë takim ishte dërguar porosia se Ohri mund të shënohet në listën e vendeve të rrezikuara, që në fakt është vetëm një hap nga humbja e mbrojtjes nga UNESCO./Alsat/a.m.
