Deputeti i Partisë Socialiste, Pjerin Ndreu ka kërkuar që të hetohen firmat private të cilat janë kontraktuar nga shtetit për të hedhur kripë në rrugët problematike që bllokohen nga dëbora.
Në një status në profilin e tij në ‘Facebook’, Ndreu thotë se ato nuk kanë hedhur asnjë kg kripë në rrugë, duke specifikuar veçanërisht akset që lidhin Pukën me Kukësin dhe Tropojën.
‘Kane marrë lekët e taksapaguesve dhe kanë lejuar bllokimin e rrugëve duke mos hyrë në kohë me borëpastruese.’, – shkruan ai.
Statusi i plotë:
Të hetohen e penalizohen firmat e pastrimit të rrugëve, sidomos ne akset qe lidhin Pukën me Kukësin e Tropojën. Kane marrë lekët e taksapaguesve dhe kanë lejuar bllokimin e rrugëve duke mos hyrë në kohë me borëpastruese.
Nuk kanë hedhur asnjë gram kripe e asgjë! Nuk do lejoj këtë sjellje turpi e te papërgjegjshme të këtyre kompanive qe nen hundën tonë bëjnë ça ju do qejfi, kur njerezi rrezikojnë jetën rrugëve nacionale nga bllokimi.
