Një britanik është arrestuar dhe dënuar me një muaj burgim për shkak se kishte pirë alkool.
Por edhe më keq, britaniku Jamie Harron, 27-vjeçar, mund të dënohet me tri vjet burgim nën akuzat për paturpësi publike pasi e kishte prekur një burrë tjetër në ije teksa kishte kaluar pranë tij në një lokal nate në Dubai. Po ashtu, atij i është marrë pasaporta, transmeton Express.
Ai gjithashtu është gjobitur me 458 euro (2.000 direhemë).
Një zëdhënës i Prokurorisë në Dubai e ka konfirmuar dënimin me burg duke thënë: “Për akuzat për pirje, ai është dënuar me një muaj burgim dhe gjobitur me 2.000 direhemë dhe do të dëbohet”.
Ai duhet të paraqitet në gjyq më 22 tetor për akuzat për paturpësi publike. /b.d
