Çifti më i famshëm i Hollywoodit, Brad Pitt dhe Angelina Jolie janë drejt blerjes së ishullit grek Gaja, që ndodhet në detin Jon, pjesë e grumbujve të ishujve Ekinadhes, njoftoi website Greek Travel Pages (GTP), që citonte gazetën amerikane ”The Washington Post”.
”Çifti po mendon blerjen e gjithë ishullit për 4,7 milionë dollarë për të kaluar më shumë pushime me njëri-tjetrin”, theksoi gazeta.
”The Washington Post” shtoi se Pitt dhe Jolie po kërkojnë leje për të ndërtuar edhe gjashtë vila në ishull.
“Angelina ka rënë në dashuri me këtë ishull. Më këtë çmim ata nuk e kanë problem të ndërtojnë vendin e pushimeve të ëndërruara”, thanë burime pranë çiftit për revistën ”US OK!”.
“Fëmijët do të vrapojnë pa droje nga paparacët. Çifti ka vënë në shitje shtëpinë në New Orleans për 6,5 milionë dollarë”, thuhet në revistë./ ATA/
