Shqipëria ka shanse reale për hapjen e negociatave me Bashkimin Europian në vitin 2016, dhe anëtarësim në 2019-ën, por duhet ende shumë punë.
Kjo ishte deklarata e dhënë nga eurodeputeti Gianni Pitella, i cili ndodhet në Tiranë për një vizitë zyrtare. Sipas tij, anëtarësimi duhet të fitohet, pasi askush nuk mund ta dhurojë.
“Ky komb është pasqyra e Europës. E ardhmja e Shqipërisë ëshë Unioni Europian. Askush nuk ju ka dhuruar asgjë, cdo gjë e keni arritur me forcat tuaja dhe me vendosmërinë tuaj, dhe po ju them edhe dicka të fundit, askush nuk do t’ju dhurojë asgjë, duhet të fitoni dhe fitorja e radhës është hyrja në BE dhe kjo fitore mund ta arrihet me punën që po bën parlamenti dhe qeveria, një luftë kundër korrupsionit, një reformë inteligjente e administratës publike, reforma në drejtësi, rritjen ekonomike. Duhet të jemi të vendosur dhe mos ndalojmë kundër asgjëje. Ne impenjohemi që ta hapim negociatat në 2016. Nëse vazhdohet kështu nga 2019 Shqipëria mund të jetë anëtare në BE”- tha Pitella.
Këtë deklaratë ai e dha gjatë një aktiviteti në Bashkinë e Tiranës, ku u nderua nga Këshilli duke i akorduar “Çelsin e Qytetit”.
