Burri i këngëtares së njohur Shkurte Fejza u godit nga një makinë ditën e sotme teksa po kalonte rrugën.
Në internet u publikua fotografia ku ai shihej i shtrirë përtokë teksa bashkëshortja i qëndronte pranë.
Për fat të mirë, Hajrush Behluli nuk pësoi dëmtime serioze për jetën. Ai u dërgua në spital ku edhe po qëndron nën kujdesin e mjekëve.
Por ngjarja ngjalli shqetësim dhe dyshime te publiku i gjerë, pasi nuk kishte kaluar shumë kohë kur ai u përfshi në një konfrontim fizik me hoxhën e njohur nga Kosova, Shefqet Krasniqi.
Ky i fundit ia kishte paracaktuar vdekjen këngëtares Shkurte Fejza, pse ajo sipas tij nuk është myslimane, por këndon traditës shqiptare duke ngritur lart vlerat, kulturën dhe artin e bukur të trojeve tona.
“Do të doja shumë që Shkurta si një figurë shumë e njohur e kombit tonë, me qenë edhe fetare sepse edhe Shkurta ka me vdek si unë, edhe hiç larg se ka se i ka bë do vjet të mira, e kur të vdes pastaj fama nuk të kryen punë, leku nuk të kryen punë, asgjë pos veprave të mira”, kishte deklaruar hoxha në fjalë, i cili më herët është hetuar për terrorizëm, nxitje të urrejtjes fetare dhe shmangie taksash.
Kjo përplasje ndodhi vetëm 5 ditë më parë aksidentit, duke ngritur shqetësimin se autori mund të ketë qenë i nxitur apo i motivuar ekstremisht nga qarqe të caktuara.
Megjithatë, vlen të theksohet se deri tani nuk ka asnjë fakt që e lidh ngjarjen. Policia tha se autori u ndalua dhe pasi u mor në pyetje u la i lirë, ndërsa hetimet për ngjarjen vijojnë./m.j
