Andrea Pirlo është i bindur se Gianluigi Buffon do ta fitojë “Topin e Artë” nëse Juventusi mund Real Madidin në finalen e Ligës së Kampionëve.
Ish-futbollisti i Juventusit është shprehur se portieri italian e meriton këtë vlerësim, por gjithçka do të varet dhe nga rezultati i finales.
“Unë mendoj kështu, këtë herë është viti i duhur për ta fituar Buffon. Jam shumë i lumtur për të dhe për faktin se ai përsëri ka mundësinë të arrijë qëllimin që e ka ndjekur gjithmonë. Do të isha shumë i lumtur nëse e fiton këtë trofe, sepse Buffon ka provuar të jetë një nga më të mirët”, tha ai për “Corriere della Sera”, raporton Albeu.
I pyetur për faktin që doli mes lotësh nga fusha pas finales së Berlinit, ai ka këtë përgjigje: “Kam kujtime të këqija pas 4 viteve shumë fantastike, por kam dëshirë që ta fitojnë ish-kolegët e mi dhe kjo skuadër. Pas shumë vitesh e meritojnë, pasi ka qenë një rrugëtim që kanë arritur gjithçka që duhet, tani mungon qersia mbi tortë”, u shpreh Pirlo.
a.ç
