Mbrojtësi i Barcelonës, Gerard Pique, ka thënë se do të ishte tejet i lumtur sikur ylli i Manchester Unitedit, Paul Pogba, do t’i bashkohej katalunasve.
Pogba dhe trajneri i tij Jose Mourinho raportohet se nuk kanë marrëdhënie të mira dhe pikërisht në këtë moment, Gerard Pique ka folur për të ardhmen e mesfushorit francez, duke e ndezur edhe më shumë çështjen rreth së ardhmes së tij.
Qendërmbrojtësi i Barcelonës nuk kurseu lëvdatat për kampionin e botës dhe theksoi se do të ishte shumë i lumtur nëse Pogba do të transferohej në Barcelonë.
“Nuk e di si janë gjërat në Manchester, por tani për tani Paul nuk është lojtar i Barcelonës. Do të ishim shumë të lumtur të na bashkohej një mesfushor i fortë si ai, por të shohim se çfarë do të ndodhë në ditët në vijim”, deklaroi Pique, përgatiti Express. (b.an)
