Ish-anëtari i kombëtares spanjolle, Alfonso Perez, i cili ka luajtur për Barcelonën dhe Real Madridin e ka trazuar opinionin me një deklaratë të dhënë së fundi, njofton zeri.info.
Ai ka thënë se, për shkak të bindjeve politike, Gerard Pique duhet të pushojë së luajtur për Spanjën. Pique më 2008 dhe 2012 fitoi gjithçka me “Furinë e Kuqe”, por Alfonso mendon se për shkak të qasjes separatiste, ai duhet të largohet nga kombëtarja.
“Largohu nga kombëtarja. Katalonia është pjesë e Spanjës edhe nëse ti nuk pajtohesh me këtë“, ka thënë Alfonso, i cili më pas e ka sqaruar qëndrimin e tij. “Nuk kam asgjë kundër katalonasve. Unë kam luajtur për Barcelonën, ndërsa djali im është lindur atje. Po të isha radikal, ai do të lindte në Madrid ose Sevillë.
Nuk kam asgjë kundër tyre, por jam kundër atyre që luftojnë për shkëputje”, ka theksuar Alfonso. Ai ka shtuar se edhe Pep Guardiola ka qenë në të njëjtën situatë me Piquen dhe po ashtu ka qenë përkrahës i zjarrtë i pavarësimit të Katalonisë, përgatiti “Zëri”. (b.an)
