“Nëse dikush do të më thoshte se ne do të bëjmë atë përmbysje të mërkurën dhe do të humbasim këtë ndeshje, mendoj se të gjithë e dini si do të ishte ajo përgjigje”, tha Gerard Pique, i cili përgëzoi Deportivon për fitoren.
Pas një nate magjike ditë më parë në Ligën e Kampionëve, ku Barcelona përmbysi rezultatin e ndeshjes së parë prej 4:0 ndaj PSG-së për të fituar 6:1 në ndeshjen e kthimit – e që shkroi histori ne UEFA, katalanasit kanë pësuar humbje 2:1 në xhiron e 27’të në La Liga, shkruan Gazeta Express.
Ishte Deportivo skuadra që ndali hovin e katalanasve, duke i mposhtur 2:1 në një stadiumin “Municipal de Riazor”, aty ku për herë të fundit kishin triumfuar ndaj Barçës 2:0 në vitin 2008.
Sipas mbrojtësit, Gerard Pique, Deportivo mori tri pikë të merituara.
“Nëse dikush do të më thoshte se ne do të bëjmë atë përmbysje të mërkurën dhe do të humbasim këtë ndeshje, mendoj se të gjithë e dini si do të ishte ajo përgjigje”, tha fillimisht Pique.
“U munduam që të kontrollojmë ndeshjen pas barazimit të rezultatit, por e kishim të vështirë. Sidoqoftë, ka edhe shumë ndeshje deri në fund të kampionatit”, shtoi ai.
“Ky është sporti, ne nuk jemi robot. Pavarësisht se ne ishim favorit, ata ia arritën të na shokojnë dhe nuk kemi zgjidhje tjetër përveç se t’i përgëzojmë për këtë fitore”, theksoi mes tjerash Pique, citohet ”Express”. (b.an)
