Kompania gjermane Lufthansa do të anulojë 878 fluturime, prej të cilave 51 ndërkombëtare, për shkak të grevës së pilotëve. Njëkohësisht për arsye të njëjta kompania e vogël Euroëings në pronësi të Lufthansas dje anuloi rreth 60 fluturime.
Greva e pilotëve do të prekë rreth 100.000 pasagjerë, thuhet në njoftimin e aviokompanisë gjermane Lufthansa, dhe shtohet se partnerët do të marrin më shumë se 2.210 fluturime.
Sindikata e pilotëve bëri thirrje për grevë 24 orëshe duke kërkuar rritjen e rrogave të cilat për herë të fundit janë rritur në vitin 2011.
Nga Sindikata e pilotëve gjermanë Vereinigung Cockpit (VC) bënë thirrje për grevë 24 orëshe duke filluar nga mesnata, pasi nuk u arrit marrëveshje me punëdhënësit.
Vereinigung Cockpit (VC) kërkojnë rritje vjetore prej 3.66 për qind ndërsa punëdhënësi nuk dëshiron të rrisë rrogat. Nga Sindikata e pilotëve gjermanë po ashtu njoftuan se negociatat mes pilotëve dhe Lutfhansas nuk patën sukses, përgatiti Koha. (b.an)
