Në pavijonin infektiv mosha 50-vjeçare dhe ajo e tretë përbënë numrin më të lartë të të shtruarve. Mjeku infeksionist Pëllumb Pipero tha për Tv Klan se janë shumë pak të rinj të shtruar në spital.
Sipas mjekut, vendi ynë pritet të ketë pikun e të infektuarve javën e ardhshme.
“Unë e kam thënë vazhdimisht që kjo javë që jemi dhe java e ardhshme do të jenë javë të vështira”, tha Pipero.
Masat e marra për kufizimin e lëvizjes, për mjekun Pëllumb Pipero janë pozitive, por ajo që do të evidentohet nga shifrat në vijim, është fakti nëse shqiptarët i kanë zbatuar apo jo këto masa. /e.s/
