Tomato.al është një prej kompanive që operon që prej vitit 1998 dhe eksporton fruta-perimet shqiptare në rajon dhe shumë vende europiane.
Ministrja e Bujqësisë dhe Zhvillimit Rural, Milva Ekonomi, gjatë një vizite në ambientet e kësaj kompani, u njoh nga afër me punën dhe arritjet e kësaj sipërmarrjeje që sot konsiderohet një nga më të rëndësishmet në zonën e Beratit, përsa i takon grumbullimit të prodhimeve bujqësore nga fermerët e zonës dhe eksportin e tyre në tregjet e huaja.
“Aktualisht ka një staf shumë të organizuar me rreth 60 punonjës dhe bashkëpunon me shumë fermerë të zonës së Beratit”- shprehet Ekonomi.
Falë edhe punës së tyre por edhe mbështetjes që kanë adresuar skemat e mbështetjes së qeverisës edhe programi IPARDII, sot eksportet shqiptare po rriten çdo ditë, duke hapur tregje të reja dhe me një cilësi të lartë.
“Aktualisht nga pika e tyre e grumbullimit që po punon me kapacitet të plotë po përpunohen rreth 200 tonë në ditë duke eksportuar në këtë sezon në 22 vende”, tha Ekonomi.
/a.r
